عندما توصف الاحا الأحداث

لماذا كل هذا الإصرار على دفعي لسحب شخرة ثم أحا !!! 

كل يوم بفتح عيني على اصطباحه شكل ....
يعني مره اصحى ان الميه قاطعه ... عادي بيس مفيش مشاكل ... بس المشكله انك يومها تكون مضطر انك لازم تنزل حالا عشان وراك مشوار ابن كلب مينفعش يخلص ... ده بردو مش مشكله الجيش بيقولك اتصرف , و بتصرف و انزل .

و لكن ...........

تبدأ مشكلتي مع المجتمع الذي ينادي الجميع أنه الشعب الثوري و شعب ما بعد 25 يناير ولكننا نعلم جيداً أننا كأفراد لم نتغير , نحن منساقون في حلم التغيير ولكننا لم نتغير .
بمعنى أوضح :
هل أنت مثالي  !!!

هتكلم من مواقفي الشخصيه التي أحيانا أوصلتني أحيانا الى حافة الكفر بالثورة ,
مفيش تغيير يا جدعان ... الناس هي هي بل و أوسخ ...
من أول الغلاء بمبدأ لوي الدراع و ان مفيش رقابه و حتى الموظف ابن الحلال المهضوم حقه و مازال مهضوم حقه و بما أن حاله لم يتغير ما بعد الثورة و يرى ان النظام باق و لم يحدث اي تغيير غير انه اصبح يدفع اجرة المواصلات مضاعفه هذا اذا وجدها , و ارتفاع الاسعار و جاءت الطامه الكبرى ان الضرائب على سجايره اللي بيطلع فيها همه زادت بنسبة 50 % فبالتالي هتزيد رشوته بما يؤدي الى تعويض خسارته الماديه دي .. الراجل عايش في مستوى معين يا جدعان حرام حلال انت مال اهلك !!!!!

المهم ان وجهه نظري واصله ولا اللي ورا لا دفع اجره ولا فهم .. قوم يبني روح 

خلاصه الموضوع عشان انا لسه راجع و متبهدل مع سواق تاكسي بروفيشنال بيرن على صاحبته و هو ماشي على الاوتوستراد و بيعمل غرزه و بيشرب سيجارته كل في نفس ذات الوقت ... ( محدش يسأل إزاي ) !!

المهم اننا كأفراد في المجتمع بننادي بالتغيير و احنا متغيرناش و مش هنتغير لاننا مؤمنين بمبدأ ( المظاهر )  : أي أننا يزداد ايمانا يوم الجمعه من ما قبل الصلاة حتى السلام على الحاج حسين جارنا و احنا لابسين الجلبيه , نطلع باه من الجامع نسب الدين ولا نمسك واحد نقطعه هذه نقرة و تلك نقرة أخرى يا فاسق خسئت!!!

 يعني اكتر شعب بيعمل سيرش على البورن بس اكتر شعب متحمس للدفاع عن الرسول ( صلى الله عليه و سلم ) و احنا ابعد ما نكون عن سنته و عن هديه و عن الإسلام الحقيقي مش إسلام (شيخ و داعيه يعرض صور عاريه من افلام لممثله الناس قرفانه منها اساسا عشان يقول انه بيدافع عن الاسلام ) 
خلاصه الكلام ... قولك نعم مش هيكفر عن خطاياك مع بنت البواب و مع المزه و مع الصابونه و مع ابوك و امك اللي بتزعقلهم كل تلت دقايق عشان تكلم صاحبتك

و قولك لا  مش هترد كرامتك و كرامه شعب ولا هتحس انك كده اديت دورك من اجل ثوره من المحتمل انك شاركت فيها .

عبر عن رايك بعد متقرا الدستور لو في حتى ماده لا تقدس حريتك و حريه عقيدتك و ايمانك . مش بمبدأ العصايه لاننا عارفين اخره العصايه ايه .. اخوك هيجي يضرب المدرس و هتعملو محاضر لبعض ... تخيل باه بلد بيحصل فيها ده ... ترجع تنضرب باسم الدين !!!

و احب اهدي اغنيه أبو أمك يا بن المرا ... لكل واحد فاكر انه عشان عنده كبت جنسي او مرضعش من امه و هو صغير ... انه يفضل يتكلم على زواج المرأه و السن القانوني للزواج و اسلام مسيحيه هربت مع مسلم و الجو الحمضان ده ... يا جدعان احنا 90 مليون !!!!! يعني في بلاوي بتحصل و هتحصل محدش يعرف عنها حاجه عشان احنا بنعرف اخبارنا من اعلام موجه قذر ... عاوز تعرف انزل الشارع و سافر لو حبكت ... كفايه توهان باه ابوس قفاكم اللي اتهرا من قهر نظامي راسمالي متطفل ... و هيقلب لنظام راسمالي متطفل متأسلم لمصلحه فصيل واحد و يولع الشعب و استقلاليته و حريته الشخصيه و حقوقه الأساسيه في الإنسانيه  ..

عشان حتى كلمه لا مش هينفع حتى تقولها والا تبقى كافر ... يا كافر يا كافر

بس انا رايح انام عشان عندي صداع ... عيال تجيب الهم صحيح